Заработува 4.500 евра месечно и не ѝ треба никакво училиште

Видео од Хејли, техничарката во мртовечница, позната под името „The Mort Tech“, стана вирално на TикTок во последните денови. Таа им откри на своите следбеници каква е нејзината работа, која, иако непопуларна, е изненадувачки добро платена.

Хејли заработува до 45.000 фунти (околу 53.000 евра) годишно, и вели дека не ѝ биле потребни никакви посебни квалификации или обука за да почне да работи на оваа работа.

– Единствениот услов што морав да го исполнам беше возачка дозвола – рече таа, додавајќи дека првиот месец работела заедно со поискусен колега и учела на лице место.

- Advertisement -

По четири до пет недели добила зелено светло да ја работи работата целосно независно. Најголемиот предизвик, признава таа, бил носењето тела поради нејзината висина.

– Нема формална обука, добивате брошура и ја читате. Поголемиот дел од учењето се случува на работа – објаснува таа.

На TикТок, Хејли редовно одговара на прашања од љубопитни следбеници, од оние за балсамирање до нејзините лични желби за погреб. Нејзините видеа, исто така, предизвикаа дискусии за тагата и справувањето со загубата, при што многу следбеници ѝ се заблагодарија за нејзината работа.

„Се грижеше за мојата братучетка и знам дека постојано го повторувам тоа, но немаше да се збогуваме без тебе“, напиша еден гледач. Друг додаде: „Ги обожавам твоите видеа, толку си интересна“. Трет признава дека нејзините видеа се вистинска инспирација: „Неверојатно е што правиш, би сакала и јас да ја работам оваа работа“.