Маж скокнал од крузер, во неговиот ранец пронајдени пет пасоши и над 12.000 евра

Неверојатни вести доаѓаат од пристаништето Сан Хуан, Порторико. Таму, еден од патниците одеднаш скокнал во морето додека крузерот пловел, а во неговиот ранец биле пронајдени 12.400 евра и пет пасоши.
Џеј Ксандро Омар Гонзалез-Дијаз беше приведен во недела откако скокнал од бродот „Рапсодија на морињата“ на „Ројал Карибиан“ во пристаништето Сан Хуан, според кривична пријава поднесена од специјалниот агент за истраги за внатрешна безбедност Габриел Сантијаго, објави NBC News.

За среќа, Гонзалез-Дијаз не бил повреден кога скокнал во водата. Двајца случајни возачи на џет-ски веднаш се стрчале кон него, го извлекле него и неговиот ранец од водата.

Царинските и граничните службеници веќе го чекале на брегот. Кога го пребарале неговиот ранец, пронашле 14.600 долари (близу 12.400 евра) во готово и пет пасоши – секој креиран на различно име.

- Advertisement -

За време на испрашувањето, човекот признал дека скокнал од крузерот бидејќи се плашел да не биде фатен со голема сума пари. Според извештаите на странските медиуми, тој не сакал да ја пријави сумата на царина бидејќи се плашел од плаќање даноци.

Но тоа не била единствената причина за паника. Се покажало дека тој се пријавил за крстарење по Карибите под лажно име и му должел на сопственикот на бродот 16.710 долари (речиси 14.240 евра). Поголемиот дел од тие пари ги изгубил во казиното на бродот.

Портпаролот на Канцеларијата на американскиот обвинител во Сан Хуан одби да каже во четврток дали скокот на Гонзалез-Дијаз е поврзан со коцкање или зошто властите ги вклучиле тие информации во обвинението.

Според NBC News, Дијаз е под истрага за непријавување финансиски средства надвор од САД и се соочува со федерално кривично гонење.