Криминална банда киднапирала 18 жени и деца во Нигерија

Вооружени членови на криминална банда киднапирале 18 жени и деца во северозападна Нигерија, соопштија локалните власти и очевидци.

Мажи од банда специјализирана за кражба на добиток и киднапирање за откуп го нападнаа селото Бирнин Зарма вчера во зори.

Киднапирањето се случило во државата Замфара, која, како и другите држави во северозападна и централна Нигерија, со години е цел на смртоносни напади од групи кои ограбуваат, палат и киднапираат жители.