Нова рунда дијалог меѓу Белград и Приштина, со посредство на Европската Унија, е закажана да се одржи денес во Брисел.
Делегацијата од Белград, предводена од директорот на Канцеларијата на српската влада за Косово и Метохија и главниот преговарач на техничко ниво, Петар Петковиќ, пристигна во Брисел синоќа.
Петковиќ изјави дека Белград ќе инсистира на формирање на Заедницата на српски општини и на деескалација на ситуацијата на терен.
Новата рунда дијалог во Брисел доаѓа два дена пред почетокот на предизборната кампања за локалните избори во Косово.
