Кучето Караман наскоро ќе биде признаено за автохтона раса?

Претседателката Гордана Сиљановска Давкова денеска во Охрид доби подарок куче Караман кое се очекува наскоро да биде признаено за автохтона македонска раса.

,,Денеска остварив средба со претставниците на Светската кинолошка федерација (FCI) и со македонските кинолошки експерти кои повеќе од две децении посветено работеа за афирмација на нашата автохтона раса.

Очекувам македонското овчарско куче Караман наскоро да биде официјално признаено од Светската кинолошка федерација. Тоа ќе биде историски момент за македонската кинологија и доказ за нашето богато културно и природно наследство”, објави претседателката Гордана Сиљановска Давкова која открива дека на средбата ѝ било подарено куче кое е ,,симбол на верноста, достоинството и македонскиот дух”.

- Advertisement -

Караманот е чувар на нашите планини, на нашата традиција и идентитет, а отсега ќе биде препознаен и ширум светот, пишува претседателката.