Видео на кое се гледа како јахтата се навалува на страна и тоне неколку моменти по лансирањето стана вирално

Сосема новата луксузна јахта отплови само неколку метри пред да се преврти и потоне 15 минути подоцна. Сопственикот и екипажот беа спасени.

Рано во вторник попладне, околу 14:30 часот по локално време, сосема нова луксузна јахта вредна околу 800.000 евра се преврте на околу 200 метри од брегот во округот Ерегли во покраината Зонгулдак во северна Турција.

Јахтата, наречена Долче Венто (италијански: сладок ветер), беше на она што може да се нарече „прво патување“, откако беше лансирана само неколку минути претходно.

- Advertisement -

Видео на кое се гледа како јахтата се навалува на страна и тоне неколку моменти по лансирањето стана вирално.

Според извештаите на медиумите, наводниот сопственик, капетанот и двајца членови на екипажот биле на бродот во времето на потонувањето. Кога бродот почнал да се превртува, сите четворица успеале да скокнат во водата и биле спасени неповредени од работници од блиското бродоградилиште.

Се верува дека човекот кој стои на страната од јахтата додека таа тоне, а потоа скока во морето, е нејзиниот сопственик, неименуван турски милионер од Истанбул.

Бродот „Долче Венто“, кој е долг помеѓу 24 и 30 метри, е изграден во бродоградилиштето „Мед Јилмаз“ пред околу пет месеци, објавува „Супер Јахт Тајмс“.

На местото на настанот пристигнале и крајбрежната стража, пристанишните екипи и спасувачките работници. Во наредните денови, јахтата ќе биде подигната од длабочина од седум метри, по што ќе започне истрага за да се открие причината за потонувањето.

Првите претпоставки што се појавуваат во медиумите зборуваат за можни проблеми со стабилноста, кои се меѓу клучните фактори што можат да предизвикаат превртување или потонување на бродовите.