Првите случаи на вирусот чикунгуња се појавија во Обединетото Кралство, објави Британската агенција за здравствена безбедност.
Според Скај њуз, вирусот се шири преку каснувања од комарци во тропските и суптропските региони, а повеќето од 73-те пријавени случаи биле во Лондон и претходно патувале во Шри Ланка, Индија и Маврициус.
Во истиот период од јануари до јуни минатата година, биле пријавени само 27 случаи.
Агенцијата за здравствена безбедност на Обединетото Кралство (UKHSA), исто така, соопшти дека се регистрирани првите случаи на новиот вирус оропуче.
Симптоми на вирусот
Чикунгуња обично предизвикува ненадејна треска и болки во зглобовите, кои можат да бидат исцрпувачки и траат од неколку дена до неколку недели.
Името доаѓа од танзаниски збор што значи „она што се витка“ поради болката во зглобовите поврзана со него.
Повеќето луѓе се опоравуваат, но во некои случаи симптомите можат да траат со месеци или дури и години.
Вирусот не може да се шири директно од човек на човек, па затоа некој што ќе се разболи во Велика Британија не може да ја пренесе инфекцијата.
Д-р Филип Вил рече дека тоа може да биде „гадна болест“ и дека зголемувањето на случаите е „загрижувачко“.
„Важно е да се преземат мерки на претпазливост против каснувања од комарци при патување. Едноставни чекори како што се користење на средства за одбивање на инсекти, покривање на кожата и спиење под мрежи за кревет третирани со инсектицид можат значително да го намалат ризикот“, рече тој.
Чикунгунија главно се наоѓа во Азија и Африка, но оваа година се пријавени случаи во Европа и Северна Америка.
