Сите го коментираат бизарниот труднички стајлинг на Ријана од 3.000 евра

Славната пејачката Ријана оваа недела излезе во Лос Анџелес, а притоа изгледаше како џиновски розов облак, завиткана во пастелна креација со која привлече огромно внимание.

Бремената пејачка се одлучи за винтиџ фустан од Issey Miyake од 2.845 долари. Надуената креација од колекцијата пролет/лето 2001 на дизајнерот има нежни розови и портокалови нијанси кои се мешаа заедно.

3Д плисираниот фустан создаде силуета на перница што дополнително го истакна нејзиниот растечки труднички стомак.

- Advertisement -

Ефектот беше засилен со уникатната текстура и волуменозниот дизајн на фустанот, кој се чинеше дека лебди околу нејзиното тело.

Ријана го надополни својот изглед инспириран од бонбони со сребрени и  зелени патики Puma x Ottolinger Mostro, со цена од 275 долари.

Нејзиниот избор на преголеми бели обетки и слоеви златен накит го заокружи аутфитот кој беше опишан како нејзиниот најразигран изглед за трудници досега.

Додека некои обожаватели на пејачката ги доведуваа во прашање стилските одлуки, други ја прославија нејзината подготвеност да прифати разигран стил за време на бременоста.

Луѓето на социјалните мрежи веднаш се огласија, а реакциите беа поделени.

„Не е нејзината најдобра комбинација, но сепак ја носи како кралица“, „Уф, изгледа како голем мафин“, „Не знам дали ми се допаѓа или не, изгледа како цвет“, „Шеќерна волна…“, беа само дел од коментарите на социјалната мрежа Икс.