Џастин Трудо на концерт на Кејти Пери само неколку дена по заедничката вечера

Поранешниот канадски премиер Џастин Трудо бил на концерт на американската пејачка Кејти Пери само неколку дена откако двајцата беа фотографирани додека имаа заедничка вечера во Монтреал во градскиот ресторан Le Violon.

Различни објави што кружат на социјалните мрежи го покажуваат Џастин како го гледа концертот на Кејти на 30 јули во Монтреал, со неговата 16-годишна ќерка Ела-Грејс покрај него.

На снимките кои се појавија на социјалните мрежи поранешниот канадски премиер изгледа воодушевен додека ја гледа Пери како ги пее своите хитови на сцената.

- Advertisement -

Една од снимките споделени на Твитер, исто така, го покажува Трудо како се смее додека ја гледа Пери како настапува на сцената, па дури и си пее неколку зборови од нејзината песна „Dark Horse“.

Ова доаѓа само неколку дена по нивната заедничка вечера која предизвика реакции на социјалните мрежи.

Според странските медиуми, Пери и Трудо на вечерата седеле еден спроти друг на маса покрај прозорецот, каде што уживале во коктели и разни јадења во опуштена атмосфера. За време на вечерата, готвачот на ресторанот наводно им се приближил за да ги поздрави, а подоцна лично му се заблагодариле на персоналот во кујната за одличната храна и услуга.

Иако сè уште не е познато дали средбата била чисто пријателска по природа или нешто повеќе, фактот дека се случила кратко откако Пери и Блум раскинале дополнително ги разгоре шпекулациите за можна романса.