Чорап со светки што го носел кралот на поп-музиката Мајкл Џексон за време на неговата француска турнеја во 1997 година е продаден на аукција во градот Ним за 6.200 евра, објавија организаторите.
Чорапот, украсен со кристали, првично бил проценет на 4.000 евра, а имал посебна вредност бидејќи Мајкл Џексон го носел за време на спектакуларниот настап во Ница, на стадионот Чарлс-Ерман, на 27 јуни 1997 година, за време на изведбата на песните „Beat It“ и „Billie Jean“, објавува Фигаро.
Предметот го пронашол сценски техничар во тоа време во близина на соблекувалната по концертот. Тој го чувал чорапот заедно со пропусницата за зад сцената и потврдата за плаќање, што служело како доказ за автентичност.
Претходниот обид да се продаде на 21 јули не успеал поради, како што се вели, лошото медиумско известување.
Новиот датум на аукцијата предизвика поголем интерес кај колекционерите, а чорапот се продаде за повеќе од двојно поголема почетна цена од 2.500 евра.
Шепката што музичарот ја носеше за време на неговата прва телевизиска прошетка по месечината во 1983 година беше продадена во Париз минатата година за 77.640 евра.
