Вучиќ подготвува голем пакет мерки за посиромашните и за луѓето од средната класа

Српскиот претседател Александар Вучиќ најави „голем пакет мерки“ од 1 септември за, како што нагласи, „луѓето кои припаѓаат на пониската, средна класа и кои се малку посиромашни“.

„Ќе бидеме особено внимателни и ќе започнеме со иницијативата за измена на Уставот на Србија, што се однесува на неможноста извршителите во извршна постапка да им го одземат просторот за живеење, станот или куќата на луѓето кои го имаат тоа единствено место каде што живеат со своето семејство. Ова ќе донесе поголема правда и поголема безбедност за граѓаните“, наведе Вучиќ во објава на Инстаграм.

Тој додаде дека државата се обидува да ги зголеми платите и пензиите над стапката на инфлација.

- Advertisement -

„Ќе се погрижиме цените на најважните производи во продавниците да бидат пониски, ќе се погрижиме кредитите да бидат поевтини, каматните стапки да бидат пониски отколку што се денес“, истакна Вучиќ.