Папата Лав го признал првото чудо

Во услови на наводно чудо во болница во Род Ајленд, Ватикан одлучи да го започне процесот на беатификација и канонизација на шпанскиот свештеник од 19 век, Валеро Пара

Папата Лав XIV официјално го прогласи првото чудо од неговиот понтификат.

Ватикан минатиот месец објави дека Тикуан Хол, кој е роден предвреме со итен царски рез без видлив пулс, целосно се опоравил откако еден лекар го повикал името на долго заборавен шпански свештеник од 19 век.

- Advertisement -

„Воодушевени сме што ова признание ќе го иницира процесот на беатификација и канонизација на почитуваниот Божји Слуга Салвадор Валеро Пара“, изјави за Дејли Меил преподобниот Тимоти Рајли од епархијата Провиденс.

Д-р Хуан Санчез, лекар кој работел во болница во Род Ајленд во 2007 година, во момент на очај откако Тикуан е роден во критична состојба, се помолил на светецот-заштитник на неговиот роден град Уеркал-Овера во југоисточна Шпанија.

Сачез се молел, и неколку минути по молитвата, срцето на детето наводно почнало да чука нормално без медицинска интервенција.

Лекарите верувале дека момчето ќе претрпи последици, но тој продолжил да се развива нормално.

Тој зборувал на 18 месеци, одел на двегодишна возраст, а денес не покажува знаци на невролошко оштетување. Жив доказ, тврди Ватикан, за моќта на верата.