Европската комисија предложи да се зголеми таксата за дозвола за безвизно патување во ЕУ за странци од 7 на 20 евра поради инфлацијата, соопшти Комисијата

Европската комисија предложи да се зголеми таксата за дозвола за безвизно патување во ЕУ за странци од 7 на 20 евра поради инфлацијата, соопшти Комисијата. Цената на таксата не е променета од 2018 година.

Дозволата за безвизно патување важи три години и се плаќа еднократно. Комисијата истакнува дека предлогот е усогласен со таксите што ги наплатуваат САД (21 долар за две години) и Обединетото Кралство (16 фунти за две години). Патниците под 18 години или над 70 години ќе бидат ослободени од плаќање, како и членовите на семејствата на граѓани на ЕУ или странци со право на престој во Унијатa.

Предлогот на Комисијата подлежи на одобрување од Советот на ЕУ и од Европскиот парламент во рок од четири месеци и ќе стапи во сила истовремено со системот за електронска проверка на надворешните граници, што се очекува да се случи до крајот на 2026 година.

- Advertisement -

За добивање дозвола, странците ослободени од виза ќе треба да ја платат таксата и да пополнат онлајн формулари со податоци за нивните имиња, датум на раѓање и број на патниот документ. Одлуките по барањата за патување ќе се носат за неколку минути, додава Комисијата.