Бомби паѓаат во центарот на Дамаск

Сириските власти соопштија дека израелската армија вечерва извршила нови напади во предградието на Дамаск, откако во текот на денот ги таргетирала седиштето на сириската армија и областа околу претседателската палата во центарот на главниот град.

Нападите овој пат биле насочени кон областа околу воениот аеродром, каде што се наоѓаат складишта за муниција, изјавил извор од сириското Министерство за внатрешни работи за АФП.

Израел денес прво го бомбардираше седиштето на сириската армија во самиот Дамаск и се закани дека ќе ги интензивира нападите врз сириските сили ако не го напуштат јужниот регион Свеида, каде што живеат Друзите и каде што повеќе од 300 луѓе се убиени во борбите во последните три дена.