Двајца нови обвинители и во Вишото обвинителство

На денешната седница на Советот на јавни обвинители, едногласно беа избрани Наташа Поп Трајкова и Катерина Коларевиќ за нови јавни обвинители во Основното јавно обвинителство за гонење организиран криминал и корупција.

За двете позиции конкурираа шестмина обвинители, Наташа Поп Трајкова, Катерина Коларевиќ, Александар Маркоски, Дејан Петрески, Зоран Маркоски и Ана Стојковиќ Димитровска.

Советот ја донесе одлуката по претходна проценка на професионалните квалификации на пријавените кандидати.

- Advertisement -

На денешната седница, обвинителите Дарко Јакимовски и Владимир Милошески едногласно беа избрани за нови обвинители во Вишото јавно обвинителство Скопје. Двајцата се досегашни обвинители од Основното јавно обвинителство Скопје.

Во трката за овие две позиции, покрај Јакимовски и Милошески, беа и обвинителите Александар Маркоски, Марија Ѓоргева, Сања Бурјакоска Китановска, Зоран Маркоски, Љубомир Лапе, Јасмина Костеска Здравеска и Спасенка Андонова.

Републичкиот јавен обвинител Љупчо Коцевски, при гласањето ги пофали сите пријавени кандидати, истакнувајќи го нивниот квалитет и посветеност.