Нова вулканска ерупција: светло црвена лава тече од пукнатина долга 700 метри

Нова вулканска ерупција е регистрирана на полуостровот Рејкјанес, југозападно од главниот град на Исланд, Рејкјавик.

Снимките од јавниот радиодифузен сервис RUV покажуваат светло црвена лава тече од пукнатина формирана од претходен земјотрес. Жителите не се изложени на ризик.

Пукнатината е долга околу 700 метри, објави Исландскиот метеоролошки институт.

- Advertisement -

Властите го евакуираа геотермалниот спа центар „Сина лагуна“, популарен кај туристите, како мерка на претпазливост. Ерупцијата не претставува закана за населението или инфраструктурата. Исто така, не влијае на воздушниот сообраќај.

Ова е деветта ерупција во областа од декември 2023 година. Со оглед на количината на магма, експертите очекуваа ерупцијата да се случи само на есен.