Бритни Спирс вели дека посвоила девојче, од детето ниту трага

Поп-принцезата Бритни Спирс повторно ги збуни следбениците со објава на Инстаграм. Во видео објавено на 13 јули, поп-иконата напиша дека „посвоила прекрасно девојче“ и дури го напишала и името – Ленон Лондон Спирс. Но, како што пишува „Е! Њуз“, станува збор за обид за шега.

– Ленон денеска носи пресладок фустан! На него пишува „Јас сум НОВА СУМ!!!“ – напиша 43-годишната пејачка заедно со низа емотикони кои плачат од смеа. Таа ја продолжи шегата тврдејќи дека планира да се пресели во Италија, исто така со иронични емотикони.

- Advertisement -

Во самото видео, Бритни танцува во розов едноделен костим за капење, црн шешир и чизми до колена, со натпис: „Не сум вежбала со години, па го облеков овој мал розов костим и СИ ТАНЦУВАВ. Ова се 30 секунди од мојата случајна, луцидна вежба!“

ТМЗ дознава дека Бритни не набавила ниту домашно милениче со тоа име, па се чини дека е чисто измислица.

Но, иако Ленон Лондон не постои, во последните месеци Бритни повторно се зближи со својот помлад син Џејден (18), кого го има со нејзиниот поранешен сопруг Кевин Федерлајн. Нивното повторно обединување започна кон крајот на декември минатата година, кога Бритни објави емотивно видео во кое призна дека не го видела речиси три години.

„Тој се врати и сега е попаметен и позрел од мене“, напиша таа во тоа време. „Тој е маж и јас плачам секој ден затоа што е чудо и гениј! Кога свири, целата Земја се тресе!!!“. Додала дека двајцата се „како близнаци – но тој е момче, а јас сум девојче!!!“

Џејден вообичаено живее на Хаваи со својот татко, маќеата Викторија Прајс и полубраќата Џордан (13) и Пејтон (10).