Американската музичка ѕвезда со албанско потекло, Бебе Реџа, веќе извесно време престојува во Хрватска, каде што дојде да настапи на една венчавка. Таа неодамна објави и неколку видеа од свадбата каде што ги забавуваше гостите.
Беба сега ги покажа своите нови фотографии од Дубровник. Откри дека шета боса по Страдун, а се фотографирала покрај познатите столбови. Испробала и детска капа од локалните продавачи на улиците.
И претходно, Беба не криеше колку ѝ се допаѓа јадранскиот брег.
„Никогаш нема да си одам. Не можете да ме натерате“, напиша неодамна со објава во која позира во костим за капење и ужива во Хвар.
Освен на Хвар и Дубровник, пејачката престојуваше во Сплит, а слободното време го искористи за уживање во разни активности, како што се возење со брод, сончање, нуркање и дружење со пријатели на плажа.
Бебе Реџа, чие вистинско име е Блета Реџа, е американска пејачка, текстописец и продуцентка од албанско потекло, родена е во Бруклин, Њујорк. Нејзините родители се албански имигранти од Македонија.
Својата музичка кариера ја започна како текстописец, а нејзиниот пробив се случи кога ја напиша хитот „The Monster“ за Еминем и Ријана, кој се најде на првото место на топ-листата Билборд Хот 100. Потоа, таа започнала независна музичка кариера, позната по нејзината комбинација од поп, хип-хоп и денс звук.
