Голема трагедија се случила во Германија, објавија локалните медиуми. Бебе починало во машина за перење кратко по раѓањето, а обвинителите тврдат дека мајката го ставила. 35-годишната жена е обвинета за убиство од небрежност.
Таа е обвинета дека ја криела бременоста и го ставила новороденчето во машината за перење, каде што детето починало. Телото го пронашол нејзиниот партнер во машината за перење во бањата од нивниот заеднички стан во Албштат во ноќта на 30 март.
Обвинетите наводно го ставиле новороденчето во машината за перење со валкани алишта.
– Таа била свесна за можноста и го прифатила ризикот дека нејзиниот партнер подоцна може да ја вклучи машината за перење, несвесна дека бебето е внатре, кое можело да умре како резултат на тоа – се вели во соопштението на обвинителството.
Жената завршила во болница тој ден, а нејзиниот партнер ја вклучил машината за перење. Според истражителите, тој немал поим дека новороденчето е внатре. Бебето претрпело тешки повреди на главата. Обдукцијата покажала дека починало од оток на мозокот, а лекарите веруваат дека причина за смртта е и недостаток на кислород.
