Бред Пит им го возраќа ударот на своите деца

Додека медиумите објавуваат вести за потенцијална свршувачка на Бред Пит, во семејството Џоли-Пит, далеку од рефлекторите се одвива драма во позадина, онаа помеѓу Бред Пит и неговиот посвоен син Пакс. И додека претходните кавги може да се припишат на бурен развод или години растење, извори блиски до познатиот актер тврдат дека овој пат – дефинитивно е крај.

Односот на Бред Пит со неговите постари деца станува сè потенок, во некои случаи и целосно непостоечки. Според „Дејли мејл“, Пит одлучил да прекине секаков контакт со 21-годишниот Пакс Џоли-Пит. Одлуката не е донесена ненадејно, туку е резултат на долгорочно заладување на односите, кое трае од разводот со Анџелина Џоли во 2016 година.

Пакс и неговиот брат Медокс, 23, во последните години беа целосно отсутни од јавните интеракции со актерот, додека нивните објави и постапки честопати јасно укажуваат на емоционална дистанца и гнев.

- Advertisement -

– Бред повеќе не е заинтересиран за тоа што прави Пакс или како се однесува. Тој верува дека неговите одлуки зборуваат само за него – рече изворот.

– За него, тој однос е завршена приказна.

Пакс не е единствениот што се дистанцира, сличен образец следи и Шајло (18), која неодамна поднесе барање за отстранување на презимето Пит од нејзините лични документи. Нејзината постара сестра Захара (20), студентка на колеџот Спелман, со години го користи исклучиво презимето на нејзината мајка. Дури и најмладата ќерка, Вивиен (16), ретко се поврзува со името на нејзиниот татко во јавноста.

Според достапните информации, Пит одржува контакт само со најмладите, Нокс и Вивиен, но дури и тие односи изгледаат резервирано.