Тројца израелски војници убиени во судирите во Газа

Тројца израелски војници беа убиени во судири со милитанти на Хамас во северниот дел на Појасот Газа, соопшти израелската војска во вторник.

Смртта на војниците беше потврдена неколку часа откако вооруженото крило на Хамас соопшти дека неговите борци водат „жестоки судири“ со израелските сили на територијата, објави Ројтерс.

Израел ја започна својата офанзива врз Газа откако милитантите на Хамас ја пробија блокираната граница на 7 октомври и нападнаа израелски цивили во домови, автомобили и музички фестивал. Во нападите загинаа 1.200 луѓе и зедоа 251 заложник во Газа.

- Advertisement -

Од почетокот на израелската офанзива, големи делови од Газа се срамнети со земја, а палестински извори велат дека се убиени повеќе од 54.000 Палестинци. Поголемиот дел од населението живее во импровизирани кампови и засолништа, соочувајќи се со невидена хуманитарна катастрофа.