Објавен конкурс за питомци и за студенти на Воената академија

Воената Академија „Генерал Михаило Апостолски“ објави Конкурс за запишување питомци и студенти на прв циклус студии и Конкурс за запишување студенти на втор циклус на студии во студиската 2025 /2026 година.

Конкурсот за запишување питомци и студенти на прв циклус студии се објавува за потребите на Министерството и на Армијата, како и за потребите за управување со кризи и заштита и спасување.

– Ги повикуваме сите заинтересирани млади лица кои својата иднина ја гледаат како дел од институцијата со најголема доверба кај граѓаните, идни офицери во македонската Армија, кои имаат завршено (4-годишно) средно образование и не се постари од 21 година, да ги достават своите пријави заедно со потребната документација наведена во Конкурсот, во деловодството на Воената академија или електронски на следниов меил: upis_va@mod.gov.mk  најдоцна до 20.06.2025 година – велат од Академијата.

- Advertisement -

Сите заинтересирани кандидати за Конкурсот за втор циклус на студии, можат да се пријават најдоцна до 12.09.2025 година на следните магистерски студиски програми: Безбедност и одбрана, Управување со кризи и заштита и спасување и Сајбер безбедност и дигитална форензика.

Подетални информации може да се најдат во самите конкурси кои се објавени на веб страната на Воената академија,

https://ma.edu.mk/competitions/250528-konkurs-za-zapishuvane-studentipitomci-za-potrebite-na-ministerstvoto-za

https://ma.edu.mk/competitions/250528-konkurs-za-zapishuvane-studenti-na-vtor-ciklus-na-studii-na-voenata-akademija, каде што се достапни сите детали во врска во општите услови, критериумите, роковите како и постапката за спроведување на конкурсите во целост.