Минчев ги додели признанијата за управување со квалитет

Министерството за јавна администрација денеска ги додели признанијата за управување со квалитет во јавниот сектор – првата награда ја доби Централен регистар, втората Агенцијата за вработување, а третата ја доби Факултетот за информатички науки и компјутерско инженерство (ФИНКИ).

Министерот за јавна администрација Горан Минчев истакна дека квалитетното управување не е само обврска, туку суштинска вредност и патоказ кон европско и одговорно управување.

– Управувањето со квалитет не е само алатка, тоа е волја за вистинска промена, за јавна администрација што работи во служба на граѓаните. Овие институции не се само успешни приказни, тие се доказ дека реформите се можни и дека доброто управување носи доверба – рече министерот Минчев.

- Advertisement -

Настанот беше организиран во соработка со Координативното тело за управување со квалитет и претставува поттик за сите јавни институции да продолжат со унапредување на своите процеси, системи и услуги, во интерес на граѓаните и државата.