Трамп е разочаран од темпото на разговорите за ставање крај на војната во Украина, а претседателот Володимир Зеленски се движи во погрешна насока во однос на преговорите

Американскиот претседател Доналд Трамп е разочаран од темпото на разговорите за ставање крај на војната во Украина, а претседателот Володимир Зеленски се движи во погрешна насока во однос на преговорите, изјави денеска портпаролката на Белата куќа, Каролин Левит.

– Претседателот Трамп е фрустриран. Неговото трпение е речиси при крај. Тој сака да го направи она што е правилно за светот. Тој сака да види мир. Тој сака убиствата да запрат, но двете страни во војната мора да бидат подготвени да го направат тоа – изјави Левит за новинарите во Белата куќа.

– И за жал, претседателот Зеленски се чини дека се движи во погрешна насока – додаде таа.