Маск од мај му се враќа на бизнисот

Милијардерот Илон Маск изјави синоќа дека од мај планира да поминува значително помалку време работејќи за американскиот претседател Доналд Трамп, откако неговиот производител на електрични автомобили пријави намалување на профитот.

Тој рече дека ќе го насочи својот фокус кон управувањето со „Тесла“ од мај.

Маск, исто така, рече дека клучната работа на Комисијата за владина ефикасност (DOGE) во голема мера е завршена.

- Advertisement -

Тој додаде дека има намера да продолжи да поминува еден до два дена во неделата на должности на американската влада, барем додека Трамп го дозволува тоа.

„Тесла“ вчера објави дека забележала пад на профитот од 71 отсто во првите три месеци од оваа година. Нејзината заработка изнесува 409 милиони долари, што е значително помалку од 1,4 милијарди долари во истиот период минатата година.

На лошите резултати значително влијаеше соработката на Маск со администрацијата на Трамп.