Германски лекар обвинет за убиство на 15 пациенти

Обвинителството во Берлин обвини 40-годишен лекар за палијативна нега, кој веќе бил во притвор, за убиство на 15 пациенти, изјави портпаролот на обвинителството. Според надлежните, обвинетиот без нивно знаење на жртвите им давал анестетик и мускулен релаксант, што потоа предизвикало нивна смрт, јавуваат странските новински агенции.

Според обвинителството, мускулниот релаксант „ги парализирал респираторните мускули кај пациентите, предизвикувајќи прекин на дишењето и смрт за неколку минути“. Обвинетиот, наводно, ги извршил делата во периодот од септември 2021 година до август минатата година.

Жртвите, кои биле на возраст меѓу 25 и 94 години во моментот кога тој наводно ги убил, не биле на работ на смртта. Во пет случаи, тој, наводно, ги запалил и нивните домови за да ги прикрие убиствата. Во едно од точките, тој е обвинет дека убил двајца пациенти во еден ден.

- Advertisement -

Лекарот е во притвор од август минатата година. Во тоа време, органите на редот го сомничија за убиство на четворица пациенти на возраст од 72 до 94 години, но истрагата подоцна откри дека има повеќе жртви. Инспекторите не ја исклучуваат можноста бројот да се зголемува додека трае истрагата.