Земјотрес со јачина од 6,9 степени во близина на брегот на Папуа Нова Гвинеја, нема информации за штети

Земјотрес со јачина од 6,9 степени според Рихтеровата скала е регистриран утрово во близина на брегот на Папуа Нова Гвинеја, соопшти Американскиот геолошки институт (USGS).

Земјотресот бил во близина на островот Нова Британија, а предупредувањето за цунами било на сила кратко време. Нема информации за причинета штета.

Земјотресот бил во 6:04 часот по локално време, на околу 194 километри југоисточно од градот Кимбе.

- Advertisement -

Следеа два послаби земјотреси со јачина од 5,1 и 5,3 степени.

Земјотресите се чести во Папуа Нова Гвинеја, архипелаг кој се наоѓа на „Огнениот прстен на Пацификот“.