Кина ги повика САД веднаш да ги укинат царините и вети одмазда

Кина во четвртокот ги повика Соединетите држави веднаш да ги укинат најновите царини и вети контрамерки за заштита на нивните интереси, откако претседателот Доналд Трамп најави огромни давачки за сите американски трговски партнери ширум светот.

Овој потег на САД го игнорира балансот на интереси постигнат во мултилатералните трговски преговори во текот на годините и фактот дека САД долго време имаат голема корист од меѓународната трговија, соопшти кинеското Министерство за трговија, пренесе Ројтерс.

„Кина решително се спротивставува на ова и ќе преземе контрамерки за да ги заштити своите права и интереси“, се вели во соопштението на Министерството, додека двете најголеми светски економии се чини дека тонат подлабоко во трговска војна што може да ги наруши глобалните синџири на снабдување.

- Advertisement -

Трамп во средата објави дека Кина ќе биде погодена со тарифи од 34 отсто, над 20 отсто што претходно беа наметнати претходно оваа година, со што вкупните нови давачки ќе достигнат 54 отсто и ќе се приближат до бројката од 60 отсто што тој се закануваше за време на неговата изборна кампања.

Кинеските извозници, како и оние од другите економии ширум светот, ќе се соочат со основна царина од 10 отсто, како дел од новата царина од 34 отсто, за речиси сите стоки што се испорачуваат во најголемата светска потрошувачка економија од сабота, пред да стапат на сила преостанатите повисоки „реципрочни царини“ од 9 април.