За само 6 месеци, Владата ги покачи пензиите на над 330.000 пензионери за 5.000 денари. На сметките на пензионерите легна покачувањето на пензиите од 2.500 денари. Со ова покачување, вкупното линеарно зголемување на пензиите достигнува 5.000 денари, откако првото зголемување беше со септемвриската пензија и сега со мартовската пензија, информираше Владата преку сооппштение.
„Ова е втор раст на пензиите за само 6 месеци. Имено, дека Владата се грижи за пензионерите покажува тоа што уште првата недела од мандатот донесе одлука за линеарно покачување на пензиите на сите пензионери за 5.000 денари, со септемвриската и мартовската пензија. Ветивме и исполнивме. Владата ги покачи пензиите за 5.000 денари, линеарно за секој пензионер. Владата покажа дека се грижи и работи одговорно и посветено. Пензионерите заслужуваат достоинствен живот и вистинска грижа за нивните потреби. Со ова како Влада го исполнивме едно од ветувањата за најстарата категорија на граѓани и обезбедивме поквалитетен живот за нив. Продолжуваме посветено да работиме за подобрување на животниот стандард на граѓаните“, се вели во владиното соопштение.
