Киев го прифати примирјето во Црното Море

Претседателот на Украина, Володимир Зеленски денеска изјави дека Киев ќе ги исполни своите обврски од договорот за безбедност во Црното Море, но оти ако Русија го прекрши договорот ќе бара дополнителни санкции за Москва и оружје.

– Ако Русите го прекршат договорот, имам директно прашање за претседателот (Доналд) Трамп. Ако го прекршат, еве доказ – бараме санкции, бараме оружје – наведе Зеленски.

Тој го оцени договорот како „чекор во вистинската насока“, но оти е „прерано е да се каже дека договорот ќе функционира, но ова беа вистинските состаноци, правилни одлуки и правилни чекори“.

- Advertisement -

– По ова, никој не може да ја обвини Украина дека не се движи кон одржлив мир – истакна Зеленски.