Две лица кои синоќа славеа роденден со огномет се приведени и се задржани во полициска станица

Две лица кои синоќа славеа роденден со огномет се приведени и се задржани во полициска станица, соопшти Министерството за внатрешни работи.
Како што е соопштено по документирање на случајот против двајцата ќе биде поднесена соодветна пријава.

„Синоќа околу 21.25 часот во СВР Скопје е пријавено дека во градскиот парк во Скопје има огномет и не се почитува одлуката на Владата за седумдневна жалост. Веднаш е постапено од страна на полициските службеници на СВР Скопје и утврдено е дека во угостителски објект во градскиот парк била организирана роденденска прослава, при што од страна на М.Ф. (18) и М.Ф. (18), двајцата од Скопје бил запален огнометот“, се наведува во соопштението.