Со амбулантни возила, 3 млади лица со изгореници, здобиени во пожарот во дискотеката во Кочани, попладнево биле пренесени и пристигнале во Солун, каде што ќе бидат хоспитализирани во болницата „Папаниколау“

Со амбулантни возила, 3 млади лица со изгореници, здобиени во пожарот во дискотеката во Кочани, попладнево биле пренесени и пристигнале во Солун, каде што ќе бидат хоспитализирани во болницата „Папаниколау“, јави дописничката на МИА од Атина.

Солунскиот портал Тестивал објави видео и фотографии од пристигнувањето на трите амбулантни возила, кои според грчките медиуми во Солун биле околу 17.30 по локално време.

Претходно, претседателот на грчката федерација на вработени во државните болници, Михалис Јанакос, во разговор со дописничката на МИА од Атина, потврди дека тројца повредени ќе бидат пренесени во болницата „Папаниколау“ во Солун, која располага со одделение за изгореници со 4 кревети, а денеска биле испразнети 3 за да бидат хоспитализирани повредените.