Под името „Кралицата Пантер“, ќе се снима серија која го истражува неверојатниот живот на Оливера Ќирковиќ, жената која стана глава на познатата меѓународна криминална група Пинк Пантер.
Оваа серија ќе го следи нејзиното неверојатно патување од успешна спортска кариера до лидер на најопасната криминална мрежа, со сите моменти од нејзиниот живот исполнети со трилер и напнатост.
Оливера Ќирковиќ, некогаш позната спортистка и репрезентативка на Југославија, остави траг во спортскиот свет, особено во Грција, каде играше за клубот Панграти и беше клучен фактор за освојувањето на шампионската титула. Таа беше национален херој и во поранешна Југославија и во Грција, благодарение на своите спортски успеси и популарност.
Но, животот на Ќирковиќ се сврти за 180 степени кога таа се запозна со шармантен криминалец, кој ја воведе во меѓународната криминална мрежа Пинк Пантер. Ќирковиќ брзо напредуваше во организацијата, покажувајќи не само неверојатни крадешки способности, туку и бескомпромисен лидерски стил. По неуспешниот грабеж, таа беше уапсена и осудена на осум години затвор, во еден од најбараните затвори во Грција – Коридалос.
Но, четири месеци по апсењето, таа успеа да изведе драматично бегство од затворот, станувајќи единствената личност која некогаш успеала да избега од него. Ќирковиќ беше повторно уапсена три месеци подоцна, но нејзиниот бегалски подвиг останал запишан во историјата на криминалистичките приказни.
Серијата ќе се снима на различни локации во Србија, Грција и други земји, носејќи со себе големи драмски и напнати моменти од животот на една од најконтроверзните криминалистки личности.
