Експлозивите имаат огромен смртоносен радиус, создаваат кратери во земјата

Израел ќе набави повеќе од 40.000 авионски бомби Mк-84, од кои секоја тежи 900 килограми, а содржи 429 килограми експлозивен материјал. Договорот за оваа набавка изнесува 2 милијарди долари.

Израелската влада ќе купи 35.529 бомби Mк-84 или BLU-117E, како и дополнителни 4.000 продорни боеви глави I-2000 Penetrator. Покрај бомбите, договорот вклучува резервни делови, потрошен материјал, дополнителна опрема, поддршка за поправка и транспорт.

Овие бомби се стандарден модел на американското воено воздухопловство и се користат низ светот за уништување живи цели и фортификациски објекти, со можности за зголемена прецизност, пишува Дневни аваз.

- Advertisement -

Бомбата Mк-84 при експлозија создава кратер, широк до 15 метри и длабок 11 метри, а може да продре до 38 сантиметри во метал и 3 метри во бетон, зависно од висината на испуштање. Нејзиниот смртоносен радиус изнесува 120 метри, а на пошироко подрачје може да предизвика сериозни повреди, внатрешни крвавења и други последици.

Освен класичните Mк-84, Израел ќе набави и продорни боеви глави I-2000 Penetrator, кои се наменети за уништување бункери, фортификациски објекти и подземни складишта.

Набавката на ваков голем број бомби го рефлектира разорниот интензитет на војната што Тел Авив ја води во Појасот Газа и јужен Либан. Оваа испорака веројатно претставува обнова на потрошените залихи од тие воени операции, посочува Аваз.