Кина подготвува одговор на новите американски царини

Кина подготвува контрамерки за да се спротивстави на новите царини наметнати од САД, објави Глобал тајмс, зголемувајќи го влогот во ескалацијата на трговската војна меѓу двете најголеми економии во светот.

Американскиот претседател Доналд Трамп минатата недела и се закани на Кина со дополнителни царини од 10 отсто кои треба да стапат на сила во вторник, со што кумулативните царини ќе достигнат 20 отсто. Покрај тоа, тој го обвини Пекинг дека не прави доволно за да го спречи фентанилот да влезе во САД, што Кина го опиша како обид за „уцена“.

„Кина проучува и формулира контрамерки за да одговори на заканата од САД за воведување дополнителни царини од 10 отсто на кинески производи под изговор дека ќе го спречи шверцот со фентанил“, објави во понеделникот Глобал тајмс, цитирајќи анонимен извор.

- Advertisement -

Контрамерките најверојатно ќе вклучат царини и голем број други мерки, а списокот најверојатно ќе вклучува земјоделски и прехранбени производи, се додава.

Кинеското Министерство за трговија и американската амбасада во Пекинг не одговорија на барањата за коментар.

Кина останува најголемиот пазар за американските земјоделски производи, и покрај падот на увозот откако Пекинг воведе царини до 25 отсто за соја, говедско, свинско месо, пченица, пченка и сорго во 2018 година, возвраќајќи се на царините наметнати од Трамп за кинески стоки.

Најголемиот светски увозник на земјоделски производи и втората по големина економија во 2024 година увезе американски земјоделски производи во вредност од 29,25 милијарди долари.

По најавата на Трамп, Пекинг имаше помалку од една недела да смисли контрамерки или да постигне договор. Аналитичарите велат дека Пекинг се уште се надева на разговори со администрацијата на Трамп, но иако нема знаци за трговски преговори, можноста за приближување меѓу двете економии се намалува.