Шведската убавица, инфлуенсерка и шефица на мафијата Тања Гомез е уапсена во Шпанија откако со години беше една од најбараните бегалци во Европа.
Триесет и тригодишната Тања Гомез беше шеф на криминална организација со седиште во Стокхолм и е обвинета за перење пари и трговија со дрога, а во март 2021 година беше ставена на листата на 50 најбарани на Европол откако избега од земјата.
Се сомнева дека Гомез, како сопственик на организацијата за спасување кучиња ХундГарин, го користел засолништето како фронт за криминални активности кои вклучувале трговија со дрога и перење пари. Во налогот за апсење на Европол се наведува и дека таа е поврзана со мрежа на нелегално поседување и транспортирање животни во странство.
Гомез побегна откако обрачот околу нејзината организација почна да се стега, криејќи се со години на шпанскиот остров Ланзароте, пренесува шпанскиот весник The Olivepress.
Полицијата добила дојава за нејзината локација на 7-ми февруари и започнала интензивна полициска акција, во која Тања била уапсена на 20-ти февруари. Таа моментално се наоѓа во шпански затвор и ќе биде депортирана во Шведска, каде шведските власти бараат минимум четиринаесет години затвор, пренесува Дневник.хр.
