Иванка Трамп, Ендрју Куомо, Наоми Кембел, мајката на Кенеди и Кортни Лав – ова се само дел од звучните имиња пронајдени на контакт-листата на Џефри Епштајн, која во четвртокот беше објавена од американското Министерство за правда. Освен нив, на листата се најдоа и филмскиот продуцент Боб Вајнстин, бизнисменот Дејвид Кох, покојниот сенатор Тед Кенеди, актерите Ралф Фајнс и Дастин Хофман, како и поранешната сопруга на Доналд Трамп, Иванка. Името на американскиот претседател не беше вклучено во контакт-листата.
Оваа објава доаѓа во рамките на низа документи поврзани со контроверзниот финансиски советник и осуден сексуален престапник Џефри Епштајн, кои Министерството за правда ги објави во четвртокот навечер. Документите вклучуваат записи од неговите летови, листа на контакти и доказен материјал собран од владата против него.
Во Белата куќа, десетици инфлуенсери и личности активни на интернет добија ексклузивен пристап до овие документи. Новиот „шеф на ФБИ“, Каш Пател, заедно со јавниот обвинител, им ја претставија таканаречената „Прва фаза од досиејата на Епштајн“. Белата куќа им подели големи бели пликови со овој наслов испечатен со црвени букви на првата страница, доделени на младите поддржувачи на Трамп, кои одиграа клучна улога во неговата кампања на социјалните мрежи.
И покрај високите очекувања, документите од околу 200 страници не донесоа големи нови откритија. Во нив се наведени познати личности и политичари кои веќе претходно биле поврзувани со Епштајн, а јавниот обвинител Пем Боди изјави дека сведок ѝ пренел оти ФБИ во Њујорк инсистирало да се објави овој материјал.
Во прилог на листата со контакти, Министерството за правда објави и редактирана листа на масерки, чии имиња биле затемнети бидејќи биле жртви. Вкупно, на спорниот список имало 254 имиња.
Дополнително, беа објавени и дневниците за летови на приватниот авион на Епштајн, познат како „Лолита експрес“. Овие записи, кои претходно беа делумно јавно достапни, го содржат потписот на пилотот Дејвид Роџерс, кој сведочеше за тоа што видел додека работел за Епстин.
Озлогласената „мала црна книга“ на Епштајнза првпат беше спомената во судски случај во 2009 година, а нејзината содржина беше јавно објавена во 2015 година од „Gawker“. Оваа книга содржи контакти од 2004 и 2005 година, меѓу кои и Мајкл Блумберг, Мик Џегер, принцот Ендрју, Алек Балдвин, Џими Бафет, Дејвид Кох и поранешниот државен секретар Хенри Кисинџер. Подоцна, друга контакт-листа од 1990-тите беше откриена, содржејќи 349 имиња, од кои 221 не беа присутни во книгата од 2015 година.
Иако на списокот има голем број познати личности, ниту еден од нив не е обвинет за прекршоци поврзани со Епштајн. Тој беше уапсен од обвинителите во Менхетен под обвинение за сексуална трговија, но во 2019 година беше пронајден обесен во својата ќелија. Неговата соработничка Гислејн Максвел беше осудена за истите дела и моментално издржува 20-годишна затворска казна.
