Што се спрема во Курск?

Северна Кореја распореди дополнителни трупи во Русија, изјави претставник на Националната разузнавачка агенција на Јужна Кореја.

Официјалниот претставник вчера изјави за француските медиуми дека „се чини дека имало дополнителни распоредувања на војници“ во руската област Курск, додавајќи дека други војници се „прераспоредени“ во регионот.

Нема информации за тоа колку нови војници се испратени во Русија, а официјалниот претставник додаде дека „точната бројка сѐ уште се проценува“.

- Advertisement -

Јужнокорејските и западните разузнавачки агенции соопштија дека повеќе од 10.000 севернокорејски војници беа испратени во Русија минатата година за да ѝ помогнат во борбата против украинската офанзива на пограничниот регион Курск.

Ни Москва ни Пјонгјанг не го потврдија распоредувањето.

Претходно овој месец, Сеул соопшти дека севернокорејските војници кои претходно се бореле заедно со руската армија на линијата на фронтот Курск, од средината на јануари не се вклучени во борбите. Украина, исто така, соопшти дека тие се повлечени во заднина по големите загуби.

Русија и Северна Кореја лани потпишаа договор, што има и клаузула за взаемна одбрана, при посетата на претседателот на Русија, Владимир Путин, на Пјонгјанг.