Тајван распоредува војници околу островот како одговор на кинеските маневри

Министерството за одбрана на Тајван објави дека наредило распоредување сили околу островот како одговор на кинеските воени маневри.

Пекинг мобилизираше 32 авиони околу Тајван и најави вежби со жив оган во област на околу 74 километри од островот.

Тајван им нареди на своите воздушни, копнени и поморски сили „да ги следат, предупредуваат и соодветно да реагираат“, се вели во соопштението на Министерството.

- Advertisement -

Се додава дека кинеските вежби го зголемиле ризикот за безбедноста на меѓународните летови и бродови, а исто така претставуваат јасна провокација во однос на регионалната безбедност и стабилност.

Кина во последниве години се повеќе распоредува авиони и воени бродови околу Тајван, за кој тврди дека е дел од кинеската територија.

Пекинг не ја отфрли можноста за употреба на сила за преземање контрола врз островот.