Потпреседателот Венс во Минхен ќе соопшти важна одлука

Американскиот потпретседател Џеј Ди Венс би можел да најави големо повлекување на американската војска од Европа на безбедносната конференција во Минхен.

Ова денеска го изјави претседавачот на Минхенската безбедносна конференција Кристоф Хојсген.

Според Билд, американскиот потпретседател би можел да ја искористи Минхенската безбедносна конференција за да објави значително намалување на американското воено присуство во Европа.

- Advertisement -

Вашингтон очекува Европа да преземе поголема одговорност за сопствената одбрана.

Кандидатот на германската опозиција за канцелар од Христијанско-демократската унија (ЦДУ), Фридрих Мерц, исто така предвидува дека говорот на Венс на конференцијата ќе биде „конфронтациски, со исклучително остри пораки за Европа и Германија“.

За време на предизборната кампања во САД, Трамп постојано го доведуваше во прашање степенот на посветеноста на неговата земја кон НАТО и навести дека ќе очекува значителни промени во однесувањето на меѓународните партнери.