Музичката ѕвезда Тејлор Свифт е фотографирана на еден аеродром, каде влегувала во приватен авион.
Откако Канзас Сити Чифс, каде што игра нејзиното момче Тревис Келси, изгубија од Филаделфија Иглс во Супербол, пејачката реши да го напушти Њу Орлеанс.
Членовите на обезбедувањаето ја штителе со црни чадори додека се качувала во авионот. Лицето не ѝ се гледало, но затоа пак, камерите ги снимиле црвените мокасини и искинатите фармерки. Тревис Келси не бил снимен со неа, што на многумина им паднало во очи.
Како што пишува „Пејџ сикс“, еден од нејзините помошници по неа донел ќесе со грицки и песок за мачки во авионот. Се наведува и дека авионот летал кон Нешвил, Тенеси.
Да потсетиме, во неделата Тејлор беше во приватна ложа и навиваше за Келси, чиј тим претрпе тежок пораз во Суперболот. Во еден момент на големото платно се појави нејзиното лице, на што публиката реагираше со гласни свирежи. Тејлор „кисело“ се насмеа на тоа на тоа и продолжи да го гледа натпреварот. Во нејзината ложа е снимен и Машин Ган Кели, поранешното момче на Меган Фокс.
Доналд Трамп не ја пропушти можноста да ја критикува пејачката. Тој објави видео во кое ги спореди овациите што ги доби кога се појави на Суперболот со свирежите што ја поздравија Тејлор Свифт. Набргу потоа ѝ посвети уште една објава, пишувајќи: „Единствената која имаше полоша ноќ од Канзас Сити Чифс е Тејлор Свифт. Ја исвиркаа од стадионот. МАГА многу тешко простува!“ Така тој имплицираше дека Свифт била исвиркана од неговите поддржувачи.
