Американската компанија „Гугл“ веќе не ја исклучува можноста за користење вештачка интелигенција (ВИ) за развој на оружје и системи за надзор

Американската компанија „Гугл“ веќе не ја исклучува можноста за користење вештачка интелигенција (ВИ) за развој на оружје и системи за надзор, објави нејзината матична компанија „Алфабет“.

Потпретседателот на „Гугл“, Џејмс Мањика, и извршниот директор на „Дипмајнд“ (DeepMind), Демис Хасабис, ја објаснуваат одлуката, со тоа дека е важно приватните компании да соработуваат со демократските влади за да се осигураат дека ВИ-технологијата помага во одржувањето на националната безбедност, јави Би-би-си.

„Гугл“ тврди дека нивните претходни правила од 2018 година се застарени бидејќи „ВИ оттогаш се развила и станала составен дел од секојдневниот живот“, во кој се дел мобилните телефони и интернетот.