Македонија2025 отвори повик за доделување 20 стипендии за петтиот по ред Охрид камп за високотехнолошка извонредност, предвиден да се одржи од 13-17 јули 2025 година во Охрид.
Кампот за високо-технолошка извонредност е еднонеделна програма за напредни вештини по роботика и кодирање, кој и овој пат ќе содржи комбининација на традиционална летна забава со можност за учење, заедничко вежбање и споделување на искуства за кодирање и роботика.
– Преку посветеност и натпревар на идеи, фокус на решавање проблеми, чувство на акција, размислување out-of-the-box и тимска работа ќе ги охрабриме и поттикнеме учесниците да постигнат мотивирачки резултати и да креираат прототип на производ/идеја – велат од Македонија2025.
Воден од Академијата за роботика и иновации и STEM Robotika Кочани, во партнерство со Young Engineers Skopje, кампот содржи глобално признати LEGO® Education Technology и STEM програми со израелска лиценца што се користи во над 50 земји. Учесниците ќе се вклучат во практично учење, програмирање на компонентите FABLE предводени од Brainster и справување со предизвиците од реалниот свет инспирирани од Целите за одржлив развој на Обединетите нации (SDGs). Овогодинешната тема, FIRST® LEGO® League – FIRST® DIVE℠: SUBMERGED℠, се фокусира на истражување на океаните. Тимовите ќе создаваат иновативни решенија за почисти, поздрави океани, истовремено поттикнувајќи лидерство, тимска работа и упорност – подготвувајќи ги да бидат следната генерација на решавачи на проблеми и иноватори.
– Убавината на овој проект е дадената можност да се запознаат и соберат млади луѓе со македонско потекло и млади од нашава земја, да воспостават долготрајни пријателства, да ја зајакнат и да ја градат својата родна македонска култура, преку подобрување на нивното познавање на јазикот, истражување на природата и културното наследство и доживување на македонската кујна и специјалитети. Особено сме среќни што изминативе години успавме да имаме учесници од САД, Канада, Словенија, Хрватска, Германија, Катар, Австрија, Данска, Кипар, Шведска, и др, но искрено се надеваме ќе успееме да привлечеме и учесници од другите земји од светот – велат од Македонија2025.
На повикот може да се пријават деца кои се на возраст од 11-15 години, заинтересирани за стекнување и надоградување на знаењата и вештините и секако имаат желба и интерес да учат програмирање, кодирање и роботика.ова на нивниот социо-економски статус за кои се доделуваат целосни стипендии.
– Нашата еднонеделната авантура е за сите деца од Македонија, како и за деца од дијаспората со македонско потекло. Ќе комуницираме на англиски и македонски јазик со цел да се поттикне комуникацијата и социјализацијата помеѓу учесници од различни држави, учење на различни култури, размена на идеи и градење на интернационални пријателства, ќе ја усовршиме примената и на двата јазика – додаваат од Македонија2025.
Новина оваа година е што Академијата за роботика и иновации и СТЕМ Роботика Кочани ќе додели годишна стипендија на национално ниво за нејзините програми за учесници од Македонија. Ќе бидат доделени специјални награди за признавање на знаењето и достигнувањата на учесниците на натпреварите во FIRST LEGO League, во чест на нивната посветеност на образованието и иновациите на STEM.
Повеќе за Кампот, начинот на аплицирање и потребна документација: https://macedonia2025.com/open-call-for-scholarships-for-the-ohrid-hi-tech-excellence-camp-2025/
На следниот линк можете да ги осознаете импресиите на нашите поранешни учесници: https://www.youtube.com/watch?v=ELahdUgnuxM&list=PLj9OcPCGo_tBSrRg05cZfd3AsQDPU-7VF&index=5&t=144s
Охрид камп за високотехнолошка извонредност, во изминатите години, е под покровителство на Претседателот на РСМ.
Повикот е отворен до 14 април 2025 година.
