Џастин Балдони објави изјава за која тврди дека ја напишале брачниот пар Рајан Рејнолдс и Блејк Лајвли, повикувајќи го да ја прифати вината поради лошите реакции околу актерката за време на промоцијата на филмот „Ова завршува со нас“ (I Ends With Us).
Балдони, соочен со обвинувањата за сексуално вознемирување на актерката, отвори веб-страница во саботата за да се одбрани себеси, на која е прикажана неговата надополнета тужба за клевета од 400 милиони долари против Лајвли и нејзиниот сопруг Рејнолдс, како и временска рамка за релевантни настани поврзани со случајот што е вклучена како доказ.
Како што наведува „Дејли мејл“, еден од клучните документи споделени на веб-страницата ја вклучува наводната изјава која Лајвли и Рејнолдс сакале Балдони да ја објави преку неговата продукциска куќа „Wayfarer“, во обид да се ублажи негативната слика за Лајвли. Оваа реакција произлезе од една интернет- приказната која ја обвини Лајвли дека е нечувствителна на темата во филмот за семејно насилство и дека се однесува како „злобна девојка“, пишува „Ен-би-си њуз“. Лајвли тврдеше дека тимот на Балдони имал улога во нарушувањето на нејзиниот углед, обвинение кое неговиот адвокат го негираше.
Во гореспоменатото соопштение од 12 август 2024 година се вели: -„Ова завршува со нас“ беше проблематична продукција за која ја преземаме целосната одговорност. Многу ни е жал за сите што ги вознемиривме приватно и јавно. Блејк Лајвли, Колин Хувер и целата актерска екипа работеа професионално секоја чекор, секоја негативност насочена кон нив е наша. Заеднички се договоривме актерите одделно да го промовираат филмот и разбирливо е зошто. Секогаш велевме дека не сме совршени и дека дури и ако ненамерно направиме грешка, секогаш ќе ја признаеме. Се сметаме себеси за одговорни, тоа не е ничија работа освен наша, дел од тоа да бидеме „доволно луѓе“. Ќе го практикуваме она што го проповедаме. Учиме и растеме од искуството и им благодариме на сите за нивното трпение додека пронаоѓаме подобар начин да продолжиме. Многу сме горди на филмот и на тоа како е примен. Дел од нашата работа е и да водиме непријатни разговори за напредок. Филмот го прави тоа на екранот, а ние го правиме надвор од екранот. Им благодарам на актерите и на публиката за можноста да бидеме несовршени и да им дадете простор да учат и растат“, стои во соопштението што наводно Балдони требало да го објави, но не било негово.
„Дејли мејл“ побарал коментар до претставниците на Лајвли и Рејнолдс. Според судските поднесоци на Балдони на неговата веб-страница, ниту тој ниту неговиот тим верувале дека изјавата ќе го има посакуваниот ефект.
Тимот на Балдони тврди дека неговите тогашни претставници, WME се согласуваат со „Wayfarer“ дека изјавата била нејасна, имплицирала вина без суштина и не ги адресирала прашањата што се во прашање. Понатаму, ако целта била да се ублажи негативното внимание на интернет насочено кон Лајвли, изјавата би имала спротивен ефект, како одговор, „Вејферер“, Балдони и Хит го негираат барањето, цврсто одбивајќи да дадат каква било изјава со лажно преземање одговорност за непостоечки прашања.
На веб-страницата на актерот се прикажани наводните рачно напишани белешки на Балдони од средбата со координаторот за интимни односи на филмот. Белешките, за кои Балдони тврди дека биле споделени со Лајвли за време на еден од нивните состаноци за пишување сценарија во Њујорк, споменуваат експлицитни сцени кои го вклучуваат ликот на Лајвли, како што се „да се спушта врз неа“, „оргазам“ и „предигра“.
Во документот се вели: „Овие белешки подоцна станаа основа за тужбата на Лајвли во која таа тврди дека Балдони зборувал за нејзиниот сексуален живот и ја принудувал на непотребни сцени со оргазам. Во идеален случај, овие разговори требало да се одржат помеѓу Блејк и координатор за интимност, како што барал Балдони. Меѓутоа, Блејк одбила да се сретне со неа, оставајќи го Балдони во помалку од идеална позиција да мора да и ги достави тие белешки на Лајвли во нејзиното поткровје.
Блејк Лајвли (37) поднесе тужба против Балдони на 31 декември 2024 година, обвинувајќи го за сексуално вознемирување, одмазда, прекршување на договорот, емоционална вознемиреност, нарушување на приватноста и изгубена плата. Балдони ги негираше обвинувањата и поднесе сопствена тужба од 400 милиони долари против Лајвли, нејзиниот публицист и нејзиниот сопруг Рејнолдс.
