Орбан бара гаранции од ЕУ за енергетската безбедност на Унгарија

Унгарскиот премиер, Виктор Орбан, денеска изјави дека е неприфатливо што Украина го запрела протокот на руски гас во централна Европа бидејќи ги зголемила трошоците за алтернативните маршрути за снабдување.

Орбан изјави за унгарското државно радио дека поради зголемените цени на гасот, Унгарија побарала гаранции од ЕУ во однос на нејзината енергетска безбедност.

Унгарскиот премиер рече дека економските податоци се подобруваат во светлина на изборната победа на претседателот на САД, Доналд Трамп, и дека следува „ерата на мирот“ по војната во Украина, за која рече дека е во завршна фаза.

- Advertisement -

Орбан нагласи дека победата на Трамп ќе ја зајакне унгарската економија оваа година.

Рускиот гас не тече низ Украина до земјите на Европската Унија од 1 јануари, откако истече 5-годишниот договор за снабдување.