Нè очекува облачен ден, попладне и во текот на ноќта ќе има повремени локални врнежи од дожд поинтензивни во западните делови

Времето денеска ќе биде променливо облачно, претпладне по котлините магливо. Попладне и во текот на ноќта ќе има повремени локални врнежи од дожд поинтензивни во западните делови, а претежно во југозападните делови со услови за краткотрајни грмежи. Ќе дува слаб до умерен ветер од јужен правец.

Температурите ќе бидат во интервал од -1 до 15 степени.

Во Скопје времето ќе биде променливо облачно, наутро магливо и претежно тивко. Од крајот на денот и преку ноќта ќе има повремен дожд. Температурите ќе бидат во интервал од 1 до максимални 10 степени.

- Advertisement -

Во четврток наместа и претежно на југот и југоистокот ќе има врнежи кои краткотрајно ќе бидат поројни проследени со ретки грмежи.

Во петок и сабота ќе биде стабилно, а од недела повторно се очекуваат врнежи.