Фицо ја коментира декларацијата која ја донесе Европската комисија

Декларацијата на Европската комисија (ЕК) за заштита на клучната енергетска инфраструктура е сериозна, бидејќи ЕК почнува да врши притисок врз Украина во врска со транзитот на гас, изјави денеска словачкиот премиер Роберт Фицо на седницата на Комитетот за економски прашања на словачкиот Парламент.

Тој посочи дека ЕК во својата декларација очекува третите земји да го почитуваат фактот дека тоа е безбедносно прашање на ЕУ.

– Ова е говор што (украинскиот претседател Володимир) Зеленски го разбира. Тој знае дека ако ги прекинеме сите санкции кон Русија, му се заканува опасност да не добие ниту едно евро од ЕУ – додаде Фицо, пренесува словачкиот портал ХН.