Англичаните фрлија бомба: Погба по трет пат се враќа во ист клуб

Пол Погба доби дозвола да тренира, а со оглед на тоа што неговата четиригодишна суспензија поради неуспешен допинг тест е намалена на година и половина, ќе му биде дозволено да се врати на фудбалот во март.

Французинот во кариерата играше за два клуба: Манчестер Јунајтед и Јувентус, а заработи суспензија во Серија А бидејќи тестот на кој беше подложен по натпреварот Удинезе-Јувентус на 20 август 2023 година покажа дека има вишок тестостерон.

Англиските медиуми пишуваат за неговото враќање и наведуваат дека тој се враќа во Манчестер Јунајтед за кого веќе двапати играше. Тој пристигна на „Олд Трафорд“ во сезоната 2011/12, а потоа повторно играше за „црвените ѓаволи“ од 2016 до 2022 година.