Северна Македонија ќе биде домаќин на Состанок на лидерите од регионот, за Планот за раст на ЕУ за Западен Балкан

Министерството за европски прашања информира дека во втората половина од март о.г., Северна Македонија ќе биде домаќин на следниот Состанок на лидерите на Западен Балкан (WB6), посветен на Планот за раст на Европската Унија. Одлуката е донесена како резултат на проактивната улога на Владата на Република Северна Македонија во подготвувањето и имплементацијата на Реформската агенда поврзана со овој стратешки план.