ТРАМП ГИ ВРАЌА ВОЈНИЦИТЕ КОИ ОДБИЛЕ ДА СЕ ВАКЦИНИРААТ ПРОТИВ КОВИД-19

Американскиот државен секретар за одбрана Пит Хегсет денеска изјави дека новиот американски претседател Доналд Трамп наскоро ќе потпише извршни наредби за отстранување на различноста, еднаквоста и инклузијата (ДЕИ) од војската и враќање на илјадници војници кои беа исфрлени од војската затоа што одбија да примаат вакцини против ковид-19 за време на пандемијата.

– Доаѓаат повеќе извршни наредби – изјави Хегсет по пристигнувањето во Пентагон на неговиот прв работен ден.

Хегсет вети дека ќе донесе големи промени во Пентагон и елиминирањето на ДЕИ од војската го постави како приоритет.

- Advertisement -

Исто така, Трамп се очекува денеска да потпише извршна наредба со која се предвидува создавање на противракетен одбранбен штит „Железна купола“ за државата, јави Си-Ен-Ен.

Трамп претходно вети дека ќе изгради таков систем, сличен на истоимениот ракетен одбранбен систем на Израел, како дел од мерките за зајакнување на американската воена безбедност.